Кендал и Кајли Џенер сигурно зачекоруваат во светот на модата. Полусестрите на Ким, Клои и Кортни Кардашијан во септември дефилираа на модната ревија на „Sherri Hill“, а сега се ѕвезди во каталогот на познатиот бренд за фустани за колекцијата пролет 2013.
17-годишната Кендал и 15-годишната Кајли позираат во блескави фустани наменети за матурски прослави и натпревари за убавина. Креациите во нежни бои се идеални за младешки и елегантен изглед.
Познатите сестри освен што успешно работат како модели веќе дизајнираат и своја колекција облека и модни додатоци, којашто ќе ги радува нивните фанови наредната година.
