Зухаир Мурад за првпат придоби толку многу ѕвезди за време на оскаровските свечености. Либанскиот дизајнер со гламурозни креации намами повеќе дами и остави впечатлив печат на холивудската церемонија и традиционалната постоскаровска забава на Vanity Fair.
Џенифер Лопез ја соблече волуменозната креација на Ели Сааб со која чекореше на црвениот тепих на Оскар и за гламурозната забава на списанието Vanity Fair облече проѕирна блескава креација од високата мода на Зухаир Мурад.
Џена Деван-Тејтум ја покажа својата наклонетост кон Мурад, носејќи негови фустани и на церемонијата Оскар и на свечената забава.
Софија Вергара заведуваше на прославата на Vanity Fair во син фустан од колекцијата пролет/лето 2015 на Мурад. Атрактивната актерката позираше пред фото-репортерите со својот свршеник Џо Манганиело.
Дита Вон Тис беше гостинка на забавата на Елтон Џон. Таканаречената „кралица на бурлеската“ носеше црн фустан од Зухаир Мурад.
Лили Колинс ја покажа својата нова фризура на забавата на VF во црна мрежеста креација од колекцијата есен/зима на Мурад.
77-годишната Џејн Фонда блесна во комбинезон од високата мода на Мурад за сезоната пролет/лето 2015.
Манекенката Шанел Иман шармираше во бежова провидна креација од талентираниот дизајнер.
На црвениот тепих на Оскар, во креација на Мурад беше облечена и сопругата на Џон Леџенд, Криси Тиген.
