Со националната премиера на македонскиот филм „Убиј ги прво децата“, заврши
На свеченото затворање, присуствуваше екипата која стои зад новиот филм и редица љубители на филмската уметност кои позираа на црвениот тепих пред Центарот за култура во Битола.
За време на манифестацијата, на присутните им се обрати директорот на Фестивалот, Симеон Мони Дамевски:
„По изминувањето на сите седум фестивалски денови, убеден сум дека сите знаете зошто еден е Манаки. И се надевам дека сега на сите им стана јасно дека на браќата Манаки не им требаат наводници во слоганот зошто суштината е во нивните бесмртни филмски дела и во бесмртните дела на авторите кои како гости ни доаѓаат секоја година на овој Фестивал. Еден е Манаки. И една е Битола. И една е Битола која го заслужува овој Фестивал“.
„Убиј ги прво децата“ е комична приказна за тинејџерка балерина, нејзиниот лудо вљубен дечко и неговиот налудничав најдобар другар со украден полициски пиштол кои се губат во најдлабоките лавиринти на скопското криминално подземје заради мобилен телефон што содржи компромитирачко видео. Главните улоги ги играат Миа Жиро, Мартин Ѓоргоски и Стефан Спасов.
Трејлер за „Убиј ги прво децата“
Фестивалот, чиј слоган „Еден е Манаки“ беше силно коментиран, започна на 21 септември со канскиот хит „Партенопе“, а публиката уживаше во 65 филмски остварувања.
Фото: Ивона Кочов / Александар Василевски / Femina.mk
