Софија Вергара обожава фармерки и редовно ги вклучува во своите секојдневни стајлинзи. Затоа, ѕвездата од серијата „Modern Family“ одлучи својата љубов кон деним креациите да ја преточи во сопствена колекција.
46-годишната актерка лансираше модна линија која се состои од тексас панталони, јакни и здолништа, а е достапна во сите големини.
Сите модели се со пристапни цени и се движат од 18 до 40 долари.
„Јас живеам во моите фармерки! Од одење во маркет, на бизнис состанок или за вечерно излегување, фармерките се задолжително парче облека за жените. Сакав да дизајнирам линија од тексас парчиња кои ќе изгледаат одлично, ќе бидат совршени и за денски и за вечерни стајлинзи, како и забавни маички кои се удобни и пристапни. Возбудена сум што создадов колекција за жени од сите форми и големини. Секое тело е различно. Секое тело е убаво и треба да се слави“ – вели Вергара.
