Лејди Кити, Лејди Амелија и Лејди Елиза Спенсер се ѕвездите кои ја красат насловната страница на Tatler.
Русокосите внуки на принцезата Дијана шармираат во едиторијал за мартовското издание на британското списание. Трите сестри шармираат во модели од врвни брендови како Оскар де ла Рента, Коперни, Скијапарели, Џими Чу и Булгари.
Кити зборуваше за хуманитарната работа на нивната тетка Дијана и сподели дека нејзиното семејство ја продолжува истата. Таа непрекинато соработува со Centrepoint, добротворна организација која им помага на млади бездомни лица. Популарноста на оваа организација таа смета дека се должи на Лејди Ди.
„Мислам дека таа го истакна ова име. Centrepoint е ценета добротворна организација, која јас и моето семејство ја поддржуваме со години. Се гордеам со мојот братучед, принцот Вилијам, за сè што прави и продолжува да ја поддржува Centrepoint и виталната работа која ја вршат за бездомните млади луѓе“ – рекла Кити.
Близначките Амелија и Елиза минатиот август откриле дека се идентични близначки, иако на нивните родители им велеле дека не се.
„Отсекогаш го знаевме тоа“ – рекле тие за списанието.
Кити сподели дека нејзината ќеркичка, која во април ќе наполни 2 години, е многу слична со своите тетки. „Мислам дека е многу слична со близначките. Смешно е и кул што таа ги има овие две тетки кои доаѓаат и насилно влегуваат низ вратата. Мислам дека таа не мисли дека има разлика во возраста меѓу нив“ – рекла таа.
Сестрите Спенсер заедно се имаат појавено на повеќе модни настани.
