Instagram ги објави десетте фотографии кои собрале најмногу лајкови во текот 2015 година. Без исклучок, сите најпопуларни фотографии на познатата социјална мрежа им припаѓаат на женски славни личности.
Тејлор Свифт поседува 5 од 10-те фотографии, додека на првото место е Кендал Џенер.
Кендал Џенер
Фотографијата со најмногу лајкови на Instagram ѝ припаѓа на Кендал Џенер. 19-годишната ѕвезда од шоуто „Keeping Up with the Kardashians“, која моментално е еден од најбараните модели во светот, доби над 3,2 милиони лајкови.
На рекордерската фотографија Џенер позира со затворени очи во фустан од Зухаир Мурад, а прамените на нејзината коса се во срцевидна форма.
