Кетрин и Меган стилски експериментираат со популарните вински нијанси. Двете војвотки денес шармираа на различни локации во Лондон во бордо стајлинзи.
Бремената Меган Маркл носеше фустан и палто од брендот Club Monaco, како и кратки чизмички од Givenchy за посетата на народна кујна која ѝ помага на заедницата Гренфел Тауер.
37-годишната сопруга на принцот Хари активно учествуваше при подготовката на оброци за околу 200 лица.
Досега кујната работеше само два дена неделно, но откако Меган помогна за собирањето на околу 200 илјади фунти преку продажбата на готвач, кујната работи непрекинато. Имено, поранешната актерка го напиша предговорот на готвачот „Together: Our Community Cookbook“, кој содржи рецепти од жени од заедницата која беше засегната од ужасниот пожар во Гренфел Тауер во Лондон, во кој животот го загубија 72 лица. Книгата со рецепти беше хит, а приходите ја потпомагаат кујната.
Војвотката Кетрин беше во посета на University College London за подобро да го разбере емоционалното и социјалното развивање на децата. Нејзината цел е да ја истакне важноста на создавањето на цврста социјална и емоционална основа за децата за тие да бидат испратени на најдобриот пат кон среќен и здрав живот како возрасни личности.
36-годишната сопруга на принцот Вилијам избра бордо здолниште и сако од Paule Ka. Истата комбинација таа ја носеше и двапати претходно.
