Војвотката Кетрин и принцот Вилијам присуствуваа на хуманитарен настан во Лондон. Кралскиот пар ги привлече сите погледи на свеченоста „Royal Variety Performance“.
Атрактивната припадничка на британското кралско семејство, која е во блажена состојба, носеше гламурозна светлосина креација од нејзината омилена дизајнерка Џени Пекам. По објавувањето на фотографиите од настанот, многумина споделија дека стајлингот ги потсетува на кралицата Елза од дизниевиот хит „Frozen“.
Славната двојка имаше можност да поразговара и со повеќе од изведувачите.
Собраните парични средства ќе бидат наменети за помагање на стотици лица кои работеле во забавната индустрија, но имаат потреба од помош заради старост, влошено здравје или други лоши околности.
Третото дете на Кетрин и Вилијам се очекува да се роди во април следната година.
