Во ера кога светот масовно се бори за градење на поинклузивни општества, сè повеќе брендови ги рушат стереотипите, дозволувајќи да се видат сите лица на убавината.
Кејт Грант е дел од позитивниот бран на промени. 20-годишната девојка со Даунов синдром стана бренд амбасадорка на познатата козметичка компанија Benefit.
Фотографиите од кампањата наидоа на аплаузи од целиот свет.
„Ја откривме Кејт случајно во летото 2018 година, кога видовме Facebook видео за нејзиното патување до станувањето модел. Инстантно се вљубивме во неа. Нејзината неверојатна енергија беше толку заразна и бевме освоени од нејзината желба за живот и решителноста“ - изјавија од брендот.
Мајката на Кејт е категорична дека младата девојка нема да застане тука. „Има огромна желба да стане супермодел. Го сакам нејзиниот оптимизам и како нејзина мајка, секогаш ќе бидам покрај неа за да ја поддржувам... Таа не дозволува пречките или нејзината попреченост да ѝ застанат на патот. Таа ќе рече: 'Дауновиот синдром не ме дефинира – јас сум Кејт'“ - вели таа.
Кејт има соработувано и со британскиот моден бренд Debenhams.
