Само пред неколку месеци научниците потврдија дека мажите прават сè за да го добијат вниманието на привлечните жени, дури и влегуваат во ситуации со кои си го ризикуваат животот. Сега пак, истражувачи стигнаа до заклучок дека убавите жени и на друг начин влијаат негативно врз здравјето на мажите.
Научниците тврдат дека е потребно мажот само 5 минути да биде во присуство на убава жена, за нивото на хормонот на стресот кортизол во неговото тело да се покачи. Овој ефект бил уште поизразен кај мажи кои сметаат дека жената е „надвор од нивната лига“.
За да го докажат тоа, истражувачите набљудувале 84 мажи кои требало да решаваат судоку. Кога во собата присуствувал маж, не било забележано покачување на нивото на кортизол кај учесниците, но кога во собата со нив присуствувала убава жена, кортизолот се покачил по 5-тата минута.
Кортизолот се создава кога лицето е изложено на физички или психички стрес и се поврзува со појава на болести на срцето. Тој може да има позитивен ефект кога е присутен во мали дози, но ако нивото на кортизол е постојано повишено, може да дојде до појава на дијабетес и импотентност.
