Насмевката и позитивното размислување не само што моментално ве прават поенергични и поведри, туку и ви го продолжуваат животот. Научниците дошле до јасни и убедливи докази дека среќата води до подобро здравје и подолг живот.
Истражувачи од Универзитетот Илиноис откриле дека позитивното расположение го намалува нивото на хормоните поврзани со стресот и го подобрува имунитетот.
Среќните луѓе имаат подобро здравје и подолг живот
Анализирајќи 160 различни студии, научниците дошле до заклучок дека анксиозноста, депресијата и песимизмот се поврзани со појавата на болести и скратен животен век. Исто така, било забележано дека луѓето кои чувствуваат силна лутина и бес или кои живеат во околина којашто им создава стрес, почесто се разболуваат и умираат порано.
„Бев скоро шокиран и секако изненаден кога видов колку постојани се податоците“ – изјавил Ед Динер, кој го раководел истражувањето.
Има многу истражувања во чии резултати се сомневаме, но најдобро е ова да го прифатиме како вистинито.
Пронајдете нешто што ве прави среќни и не дозволувајте да ве измачуваат негативните мисли. Гледајте ја чашата како „полна до половина“, а не како „полупразна“ за да си го подобрите здравјето и да живеете подолго.
