Може да постигнете неверојатен успех за каков што не сте ни сонувале и да имате многу пари и добро здравје, но сепак да не се чувствувате среќни.
И тогаш, сигурно ќе се запрашате што е потребно за да достигнете состојба на среќа. Американски научници тврдат дека откриле кои се 3-те основни психолошки потреби кои мора да бидат задоволени за луѓето да бидат среќни.
За да се среќни, луѓето треба да чувствуваат автономност, компетентност и блискост
Едвард Деци и Ричард Рајан од Универзитетот Рочестер сметаат дека ако луѓето не ги задоволуваат 3-те основни психолошки потреби, ќе се чувствуваат внатрешно неисполнети, дури и ако постигнуваат големи успеси.
Тие сметаат дека 3-те основни психолошки потреби кои треба да ги задоволите за да бидете среќни се:
- Автономност. Треба да се чувствувате автономни, да чувствувате дека слободно избирате што ќе правите во вашиот живот и дека не сте контролирани од никого.
- Компетентност. Треба да се чувствувате ефективни и компететни, правејќи работи кои сами ги иницирате, а не работи кои сте принудени да ги правите.
- Блискост. Треба да имате блиски односи со луѓето околу вас.
