Жените кои имаат раководни позиции се перципирани како подобри лидери отколку мажите, вели ново истражување.
Стереотипното мислење за тоа дека жените се почувствителни и помалку компетентни од мажите може само да им попречи на жените да се искачат до повисоки позиции во хиерархијата, но истражувачите тврдат дека откако ќе добијат раководна позиција, жените се сметаат за подобри лидери.
Жените кои имаат раководни позиции се перципирани како подобри лидери.
Во рамките на истражувањето, 323 дипломирани и недипломирани студенти оценувале извршни директори од двата пола врз основа на фиктивни статии од весници. Оценувајќи ги според компетентноста, тие секогаш им давале подобри оценки на извршните директори од женски пол и останувале со впечатокот дека жените сами се заслужни за големиот успех кој го постигнале.
Но, второ истражување во истата област покажало дека ваквото позитивно мислење за жените не важи ако жената е на позиција во т.н. среден менаџмент.
Иако бројот на жените на раководни позиции постојано се зголемува, сепак мажите ги држат повеќето високи позиции, не само кај нас, туку и во светски рамки.
