Секс или убаво тело? Американското списание Fitness запрашало 2400 жени дали би се жртвувале да поминат една година без секс за да имаат убава линија. 51% од жените одговориле со „да“.
Останатите 49% изјавиле дека не би се откажале од добар секс, дури и тоа да значи дека би биле подебели со 15 килограми.
51% од жените би се откажале од секс во текот на една година во замена за витка линија
Истражувањето покажало дека голем дел од жените постојано се обидуваат да ослабат со различни диети. 24% од учесничките признале дека прескокнуваат оброци со цел да останат слаби, а 39% имале држено ригорозни диети само за да ослабат што поскоро.
Една третина од учесничките изјавиле дека имаат пробано, но никогаш не би повториле режим на исхрана со кој слабее некоја славна ѕвезда, како на пример диетата со бебешка храна која се смета дека ја користи Џенифер Анистон или диетата за детоксикација на Гвинет Палтроу.
Некои жени толку често држат диета што веќе не можат да си спомнат точно колку пати биле на диета, а дури 44% од учесничките биле на диета во периодот во кој било правено истражувањето.
Една четвртина од жените имаат тргнато фотографии од друштвената мрежа Facebook само затоа што сметаат дека на нив изгледаат дебело.
Најдобриот начин да добиете убаво тело е редовно вежбање и придржување кон здрав начин на исхрана кој не бара изгладнување на телото.
„Ако се придржувате кон здрава диета со внесување на околу 1500 калории дневно, ќе слабеете со 0,5-1 килограм неделно“ – советува извршниот директор на списанието кои го направило истражувањето.
Што би одговориле вие? Дали би се лишиле од задоволството што го носи сексот за да бидете слаби?
