30 ситници кои лесно можат да ве израдуваат

Понекогаш е доволна една мала ситница како прегратка за да ги избркате темните облаци што надвиснале над вас и да си го разведрите расположението. Доволен е еден комплимент или мал подарок за да заборавите на целиот стресен работен ден.

Најголемите задоволства во животот доаѓаат во мали пакувања, а ново истражување уште еднаш го потврди тоа. Доволно е само да пронајдете изгубена банкнота во стари фармерки или некој да ви каже дека сте ослабени за да се израдувате, велат истражувачите.

Малите нешта како прегратка или прошетка во сончев ден можат брзо да ве усреќат

„Едноставните нешта како мирисот на топол леб, пријателството и слушањето на омилената песна толку многу го менуваат начинот на којшто се чувствуваме, што треба да се трудиме да ги доживуваме почесто“ – изјавил претставник на компанијата којашто стои зад истражувањето.

Над 3000 возрасни лица биле испрашувани за тоа што ги прави среќни и колку често се чувствуваат среќни. Очекувано, истражувањето покажало дека луѓето се најсреќни во сабота, особено наутро кога ќе ги отворат очите и кога ќе се потсетат дека започнува викендот. Со помош на одговорите на учесниците била направена листа на најинтересни мали нешта кои ги усреќуваат луѓето. Еве дел од нив: