Ветеринар, кој појадува во кафез покрај напуштено и исплашено куче, ќе ве исполни со почит кон луѓето кои ги сакаат животните.
Кучето Грејси Клер било пронајдено од случаен минувач во многу лоша состојба. Кога д-р Енди Матис добил повик со молба да го прими изнемоштеното животно во својот центар, тој не можел да одбие. Првиот преглед покажал дека состојбата на Грејси е критична. Таа тежела 9 килограми, била дехидрирана, анемична, имала хипотермија и вагинален пролапс и не сакала да биде во близина на луѓе, најверојатно поради претходно малтретирање.
Искусниот ветеринар се колебал дали да ја успие, бидејќи нешто му велело да ѝ даде втора шанса. Преку Facebook, Енди се консултирал и со други лица, пишувајќи: „Потребен ми е совет. Практичниот ЈАС ми вели дека треба да ја успијам, но ветеринарот ЈАС сака да се обиде и да ѝ даде шанса“.
„Обиди се“ – бил советот на многу добродушни лица, кои веднаш донирале средства за да ги покријат медицинските трошоци за Грејси.
Доктор Матис тоа и го направил, се обидел и успеал. Неговото видео е доказ дека вложил огромни напори за да ја спаси Грејси Клер и дека е главниот виновник за нејзиниот напредок. Видеото е вирален хит со 7 милиони прегледувања и 4.000 коментари на Facebook, во кои многу лица бараат да ја посвојат Грејси кога ќе биде подготвена за нов дом.
Видео
When you have no pancakes for breakfast. . . .Posted by Granite Hills Animal Care on сабота, 13 февруари 2016
