Тао Порчон-Линч е вистинска инспирација. Иако има 93-години, флексибилната старица не престанува да ја негува љубовта кон јогата. Таа вежба јога од 8-годишна возраст, а сега официјално беше прогласена од Гинис за најстара јога инструкторка на светот.
Издржливата баба држи часови по јога четири пати неделно, а освен тоа се занимава и со танцување. Моментално живее во Њујорк, но во текот на својот живот Тао го пропатувала светот.
Во младоста, кога работела како танчарка во кабаре за време на Втората светска војна, Тао освоила награда за најубави нозе во Европа. Веднаш потоа започнала да работи како модел во Париз, а подоцна од модната се префрлила во филмската индустрија во САД. И покрај тоа што јогата постојано била присутна во нејзиниот живот, дури откако наполнила 73 години Тао одлучила поактивно да се занимава и да држи часови.
Активната бабичка морала да надмине и многу пречки за до ден денешен да може застанува во напредните јога пози. На 87-годишна возраст ѝ била направена операција на колкот, а само еден месец подоцна се вратила на подиумот да танцува.
На прашањето до кога планира да држи часови по јога, полна со ентузијазам Тао одговорила: „Сè додека не престанам да дишам. Ја сакам јогата, ми го разубавува денот и ги развеселува сите“ – изјавила таа.
Знаете како велат: „Во здраво тело, здрав дух“. Тао е чист доказ за вистинитоста на таа мудрост.
Погледнете ја Тао и ќе посакате веднаш да ѝ кажете збогум на неактивноста:
