Научници создадоа материјал од вино и веќе се направени првите креации од оваа несекојдневна ткаенина. Фустанот од вино, кој личи на фустанот од месо на Лејди Гага, е дел од проектот ферментирана мода.
„Замислете си материјал кој расте... облека која сама се оформува, без ниту еден шев! Модата која започнува со шише вино...“ – вака се опишани инвентивните парчиња облека на сајтот на лабораториите при University of Western Australia.
За да го создадат органскиот материјал, научниците користеле бактерија Acetobacter, која е одговорна и за претворањето на виното во оцет. „Ткаенината“ која се добива е наречена Micro’be’. Темноцрвениот фустан е изработен од црвено вино, но исто така може да се користи бело вино или пиво.
И да, фустанот има вкус на црвено вино.
