Доење или вештачко млеко, враќање на работа кратко време по породувањето или останување дома, користење на кенгур или количка, избор на тип на дисциплинирање – одлуките на родителите не се лесни, но најчесто, какви и да се, наидуваат на осудувања и критики.
Видеото „The Mother ’Hood“, кое е дел од кампањата „The Sisterhood of Motherhood“ (Сестринството на мајчинството), прикажува конфронтации меѓу мајки и татковци со стереотипни размислувања, кои ги осудуваат оние кои избрале различни методи за да ги одгледаат своите деца. Но, на крајот од видеото сите тие се обединуваат за да спасат бебе кое е во опасност, пренесувајќи порака дека иако сите родители се различни, нив ги поврзува љубовта кон децата и дека сè што прават е за доброто на нивните најмили.
