Храмот Каиласа во Индија слободно може да се нарече чудо. Гравирана одгоре надолу во една единствена карпа, оваа величествена градба посветена на богот Шива цврсто стои повеќе од 1.300 години и ги одушевува посетителите од целиот свет. Се смета дека храмот е изграден само со помош на длето, мотика и чекан.
Изградбата на најголемиот каменорезачки индиски храм започнала во осмиот век од кралот Кришна Први.
Постои романтична средновековна легенда за изградбата на храмот. Според приказната, кога локалниот крал се разболел, неговата сопруга му се молела на богот Шива тој да оздрави. Кралицата ветила, дека за возврат ќе изгради храм во чест на Шива и дека ќе пости додека не биде завршен најгорниот дел (врвот) на храмот.
Набрзо, здравјето на кралот се подобрило и започнала изградбата на храмот. Но, кралскиот пар дознал дека ќе бидат потребни години за да се појави покривот на храмот. За нивна среќа, итар архитект дошол кај нив и им објаснил дека ако започне од врвот на планината, тој може да го создаде најгорниот дел за неколку недели. Така, тој ја започнал изградбата гравирајќи една карпа и го завршил врвот во предвиденото време, што значело дека кралицата можела да го прекине постот.
Иако оваа приказна не е факт, она што е факт е дека невообичаената одлука за изградба на храмот, довела до создавањето на еден од највпечатливите објекти.
