Колку храна оставате во својата чинија кога јадете во ресторан? Помислете само колку храна се фрла по секоја свадбена прослава.
Еден ресторан од Индија си постави цел да го промени тоа и наместо остатоците од храна да завршуваат во отпад, сега ги гостат сиромашните и бездомните лица.
Популарниот ресторан „Пападавада“ од градот Кочин постави фрижидер пред својот објект за да ги поттикне клиентите во него да ги ставаат остатоците од своите оброци, како и сите останати лица кои сакаат да донираат храна. Сопствениците на ресторанот ги охрабруваат оние кои имаат потреба од храна да дојдат и да се послужат во кое било време, секој ден од неделата.
Мину Паулин, која раководи со ресторанот, го нарекла фрижидерот „Дрво на добрината“ и јасно е зошто. Таа ја добила идејата откако видела жена како бара остатоци од храна во канта. „Имав ужасна мисла дека таа жена се разбудила поради гладот и морала да тргне во потрага по храна наместо да спие“ – рекла Мину.
Фрижидерот никогаш не е затворен, а Мину ги замолува луѓето кои оставаат храна во него да го напишат датумот, за лицата кои ја јадат да бидат информирани колку е стара.
Но, во фрижидерот ретко останува храна, а само Паулин во него става во просек 75-80 оброци дневно.
