Непосредно пред Божиќ, Македонка која живее и работи во САД доби прекрасно празнично изненадување.
Спасија Мушевска, која потекнува од Ниже Поле, Битола, не можеше да си ја сокрие возбудата која нејзини муштерии ѝ дадоа 2.200 долари како бакшиш.
„Рацете ми се тресеа, за малку ќе го истурев кафето“ – рече таа за Femina.mk.
Убавиот гест е дело на Филип Пизингрили, кој успеал да ги собере парите за да израдува една личност пред Божиќ.
„Денес беше големиот ден. Отидовме со Дедо Мраз во ресторан во Вебстер и ѝ дадовме бакшиш од 2.200 долари на нашата келнерка. Таа остана без зборови и се тресеше. Моментот беше прекрасен. Пред да се случи тоа, луѓето меѓусебно си ги плаќаа оброците и им даваа пари на другите. Сè на сè, прекрасни моменти“ – напиша тој.
Филип го споделил видеото со надеж дека ќе поттикне и други лица да го направат истото.
