Секоја година John Lewis ни ги насолзува очите пред празничната сезона и нè потсетува на моќта на подароците избрани со внимание и подарени од срце. Оваа година не е исклучок.
Британската компанија создаде емотивна реклама за мало црвенокосо девојче и змејче кое го обожава Божиќ, но фрла оган поради голема возбуда, уништувајќи ја забавата каде и да се појави.
Сепак, на крајот Ава смислува совршен подарок за змејот Едгар – Англиски Божиќен пудинг.
Видео
„Нашата приказна оваа година е за магијата на пријателството и за тоа како еден гест на внимание може да промени сè. Возбудата на Едгар за време на празничната сезона често води до огнени последици, но на Ава ѝ доаѓа идеја за совршениот подарок кој може да му помогне да го осветли Божиќ на негов специјален начин“ – пишуваат од компанијата.
