Видео од предлог за брак снимено во KFC во Јужноафриканската Република стана вирален хит на интернет, а скромниот пар доби подароци од некои од најголемите брендови во светот.
Видео
Mzansi please help us find this beautiful couple, re batla ho ba blesser DM us any leads, there might be a Finger Lickin' Good surprise in it for you too. Batho ba Vaal re thuseng! We love love #KFCProposal pic.twitter.com/6bj89dtj4j
— KFC South Africa (@KFCSA) November 7, 2019
Во видеозаписот се гледа како маж е застанат на колено и ѝ преглага брак на својата сакана во KFC, а таа блика од среќа додека присутните им аплаудираат. И покрај позитивните реакции онлајн, големо внимание привлече пост од новинарка која се обиде да го исмее заљубениот маж. „Мажите во Јужноафриканската Република се толку сиромашни, што запросуваат во KFC. Тие апсолутно немаат класа, кој ли предлага брак во KFC“ – напиша таа и додаде емотикони кои се смеат.
Сепак, кој последен се смее, најслатко се смее.
Од KFC South Africa го споделија видеото од парот и ги замолија своите обожаватели да им помогнат да ги пронајдат заљубените партнери. „Ја сакаме љубовта“ – напишаа тие.
За само 10 дена, видеото е прегледано повеќе од 4 милиони пати и има 76 илјади допаѓања, а со помош на онлајн заедницата, парот беше пронајден.
Бројни познати компании бесплатно им ги понудија своите производи и услуги на идните младенци Хектор и Нонланла и тие добија бесплатна свадба, телефони, фотоапарат, свадбена фотосесија, статија во списание, меден месец, свадбена торта, третмани за разубавување, прстени, кујна...
„Невработен сум, па немав доволно пари за да ѝ дадам на жена ми Нонланла соодветна свадба и накит, но сакав да ѝ подарам нешто симболично. Ти благодарам Јужноафриканска Република, твојата добрина навистина нè згреа. Никогаш не помислувавме дека нашата љубовна приказна ќе трогне толку многу од вас“ – изјавил Хектор.
