Војвотката Меган и принцот Хари го разгледуваа Сиднеј на четвртиот ден од нивната официјална посета на Австралија.
37-годишната поранешна актерка и 34-годишниот принц ја посетија плажата Бонди. Бремената Меган избра долг фустан со риги од Martin Grant, обувки од Castaner Wedges и накит од Adina Reyter и Missoma.
Меган неколкупати беше „уловена“ како нежно го гали трудничкото стомаче и многумина со слатки зборови ги опишуваа овие моменти на социјалните мрежи.
Претставниците на британското кралско семејство учествуваа во ритуал против лоши вибрации на плажа. Пред да зачекорат на ситниот песок, тие ги соблекоа обувките.
Подоцна, кралскиот пар посети училиште за девојчиња, каде проследи настап со танцување, а Меган одржа инспиративен говор за еднаквоста и за нејзиното растење.
За таа пригода, војвотката од Сасекс избра фустан од Roksanda, салонки од Stuart Weitzman и белегзија од Birks Rosee.
