Светот вчера ја одбележуваше стогодишнината од крајот на Првата светска војна. Британското кралско семејство беше вклучено во неколку церемонии по повод годишнината од примирјето кое беше потпишано меѓу Сојузниците и Германија и стапувањето во сила на прекинот на огнот во „единаесеттиот час од единаесеттиот ден од единаесеттиот месец“.
Кралицата Елизабета заедно со војвотките Кетрин, Камила и Меган проследи свеченост со која им се оддаваше почит на загинатите во војната. Сите припаднички на кралското семејство носеа соодветни темни комбинации.
Меган, која е бремена со првото дете, ја набљудуваше тажната церемонија покрај првата дама на Германија, Елке Буденбендер.
За црковната служба во Вестминистерската опатија, Кетрин носеше зелено палто од Кетрин Вокер додека Меган беше облечена во тегет комбинација.
Претходниот ден, во чест на жртвите во конфликтот беше одржан концерт во „Ројал Алберт Хол“. За свеченоста, Кетрин избра црн фустан од Ролан Муре, а Меган црно палто од Стела Мекартни.
