Девојка со Даунов синдром облечена како првата барбика со ова нарушување на премиера на „Barbie“

Софија Санчез во специјален фустан се појави на премиерата на филмот „Barbie“ во Лос Анџелес.

Девојката со Даунов синдром, која е актерка и модел, носеше рачно насликана цветна креација која е идентична на онаа во која е облечена првата барбика со екстра хромозом.

14-годишната девојка носеше и ланче исто како на популарната кукла и ИЗЈАВИ ДЕКА била пресреќна што се почувствувала како вистинска Барби.

„Ланчето со три шеврони ги претставува трите копии од 21-от хромозом кои резултираат со карактеристики поврзани со Даунов синдром“ – велат од компанијата.

Веќе неколку години, компанијата Mattel се бори за инклузија на лицата со попреченост и за прифаќање на фактот дека убавината доаѓа во различни форми и големини.

Пред неколку месеци, брендот создаде Барби кукла со Даунов синдром, со цел да им овозможи на што повеќе деца да се пронајдат себеси во Барби и да поттикне чувство на прифатеност кај децата насекаде низ светот.