90. роденден: Животот на кралицата Елизабета низ фотографии

Кралицата Елизабета II е енигматична личност која со дисциплинираноста и посветеноста на кралските должности ја има заслужено почитта на целиот свет. Најславната Британка со најдолга историја на престолот денес го слави својот 90. роденден.

Родена во 1926 година во Лондон, кралицата Елизабета застана на тронот на 25-годишна возраст по смртта на татко си, кралот Џорџ VI. Од минатата година таа официјално е британскиот монарх со најдолго владеење.

Повеќе од 68 години е во брак со принцот Филип, во кого се заљубила кога имала само 13 години. Тие се родители на четири деца – принцот Чарлс, принцезата Ана, принцот Ендрју и принцот Едвард.

Отмената кралица секогаш носи модни комбинации во ведри бои за да е лесно забележлива низ големите толпи. По повод големиот ден на долговечната кралица, погледнете хронолошки подредени фотографии од денес, па наназад до нејзиното раѓање.