Девојка, која извојувала победа над ракот, го фати светиот крст во Земун, Србија. Сите 242 мажи кои заедно со неа биле учесници во настанот отстапиле и како вистински џентлмени, ѝ дозволиле прва да дојде до крстот.
18-годишната Јована Лепосавиќ победата на Водици им ја посвети на сите оние кои се борат со рак и на оние кои, за жал, ја изгубиле таа битка.
„Ви благодарам на сите кои учествувавте и ми дозволивте прва да стигнам до крстот. Оваа победа многу ми значи, бидејќи им е посветена на другарите кои се лечат од рак и на оние кои нè напуштија во изминатите 2-3 години“ – изјави таа низ солзи по победата.
Видео
„Убаво е што уште еднаш ни е покажано дека ова не е трка, дека тука сите се победници и дека тука се плива со една братско-сестринска љубов и дека на ова место се изразува христијанската љубов, која е дел од сите нас“ – рече водителката на настанот.
Јована е родена на 20 јануари 2001 година и е крстена по светецот Св. Јован Крстител. Пред 4 години нејзе ѝ бил дијагностициран рак, но успеала да победи во битката со таа лоша болест.
Смелата девојка е дел од Женскиот фудбалски клуб „Црвена ѕвезда“ и е прва припадничка на понежниот пол која го фатила крстот во Земун.
Од клубот споделија фотографија од Јована за време на лекувањето од рак и од Водици за да покажат дека се гордеат со неа.
Бог се јави! a href="https://twitter.com/hashtag/jovanaleposavic?src=hash&ref_src=twsrc%5Etfw">#jovanaleposavic pic.twitter.com/l9Z2kvsNho
— Nasa Crvena Zvezda (@nczvezda) January 19, 2019
На Facebook, Јована им се заблагодари на сите за поддршката и сподели фотографии од Водици.
