Помина само една недела откако го споделивме апелот за помош на малиот Илин, а потребните средства за негово оперирање се веќе собрани.
Македонија уште еднаш ја покажа својата хуманост и донираше за 3-годишното момче, кое е родено со невус (заболување на кожата што може да премине во меланом). На Илин веќе му се направени две операции, но тој има потреба од трета операција во Турција.
Сега тој и неговата самохрана мајка не треба да се грижат повеќе за обезбедување на потребните 15.000 евра за операцијата.
„Ваквиот тип на оперативни зафати не се изведуваат во Македонија и потребно е да се направи нова финална операција во Турција од каде ветуваат дека проблемот ќе биде целосно решен. Првите 2 операции се изведени од тим од Белград, но поради сериозноста на состојбата потребна е трета и последна интервенција“
„Согласно сите прегледи и консултации со болницата во Турција целата интервенција би чинела 15.000 евра“ – стои во апелот за помош на Ecrowd.
