Михаил, Теодор, Ведран и Леонтина од Штип наполнија 5 месеци.
За да го одбележат овој специјален ден за нивната четворка, Благица и Александар Зикови направија интересна фотосесија, а фотографиите ги споделија на својот Facebook профил.
„Среќна Петка! Полни рачиња среќа, наполнивме цела Петка“ – напиша гордата мајка Благица.
На фотографиите, момчињата позираат покрај алати-играчки, додека Леонтина лежи покрај шминки.
Четирите бебиња се родија во октомври, а нивните родители беа пресреќни што најголемата желба им се оствари.
Благица и Александар четири години се бореа со неплодност пред да ги добијат бебињата со помош на инвитро.
„Четири години се боревме со неплодност. Првото инвитро ни беше неуспешно и по две години пак се одлучивме да пробаме... Како што велат постарите: ‘Ако желбата ти е голема, Господ ти подарува’“.
„Тоа чувство не може да се опише со зборови. Волшебно нешто. Прекрасно, радосно, необјасниво чувство, само си реков во себе: ‘Ти благодарам Боже за овој дар што ми го подари да станам мајка на четири дечиња истовремено’“ – рече Благица за Femina.mk.
Фотографиите се споделени со дозвола од родител.
