„Нејзините болки се и мои“: Самохрана мајка на 5 деца од Гевгелија моли за помош на ќеркичката Луна

Драги роднини и пријатели.

Ситуацијата на мојата ќерка се влошува. Првата операција која беше направена на 16 октомври 2023 година, Dorsal Rhizotomy, помина тешко и со неколку кризи, но има големи резултати. Успеа да седи иако е премногу искривена. Операцијата за главниот проблем сколиоза, која беше закажана за 30 октомври со причина ја одложија бидејќи е премногу слаба. Вчера добив информација дека операцијата мора да се направи бидејќи состојбата е загрозувачка по живот, но за истата потребно е да се да се доплати уште 10.000 евра, бидејќи колку е потешка ситуацијата и степенот на искривување, операцијата повеќе чини.

Рокот за доплата ни е многу краток, најдоцна до 5 декември и за жал, ако не успеам да доплатам и да добијам термин, нема да можеме да ја оперираме бидејќи е во ризична возрасна група. Луничка веќе сè повеќе има болки, а нејзините болки се и мои. Јас како самохрана мајка на 5 деца, не сум моќна да ги доплатам овие средства и затоа ве молам ако може да донирате со едно јавување од 100 денари кои за мене и нејзе значат многу. Ќе ве замолам да го споделувате колку што можете во поголем број овој пост.