Антонио Јанковски има потреба од нашата помош.
Поранешниот водител на кулинарско шоу испрати апел преку социјалните мрежи и напиша дека поради спојувањето на ракот и пневмонијата, на него останале само коски.
Тој сподели фотографии на кои покажува како изгледа сега, исцрпен од долгогодишната борба со болеста.
„Ова е резултатот кога канцерот и пневмонијата ќе се спојат, само коските остануваат. Во овие месец дена скоро повторно загубив килажа од што само ме шетаат од еден до друг доктор. Секој со свое мислење, а јас пропаѓам, веќе едвај дишам додека некој одлучи што со мене.“
„Ако сте во можност, замолувам за некоја мала донација, зашто утрово отиде сè она што малку имав, а немам ни како да завршам сè што треба, па тоа е тоа. Ќе трпам додека оди, немам друг избор освен да молам вака со надеж дека ќе има хумани луѓе. Благодарам“ – напиша тој.
На една од неговите фотографии стои:
Итна потреба од средства.
Мојата животна приказна во последно време.
Имам рак на црниот дроб и добив лоша инфекција на моите бели дробови која предизвика нивно оштетување. Не знам кое е полошо од двете. Во меѓувреме моите финансиски средства се потрошени до точка на гладување и ја изгубив целата моја тежина и не можам да работам, па морав да се откажам од болничкиот престој, затоа што не можам да си дозволам да плаќам за лекувањето и лекарствата кои ми се потребни...
Сметките се трупаат и сега мојата опција е да страдам и да се борам за воздух надвор од болницата, без грижата која ми е потребна и со кислородна поддршка. Сам на себе е пеколно тешко, па ако можете, ве молам да ми дадете мала поддршка за да бидам подобар. Навистина сакам да живеам и да уживам во животот како сите вас.
Ако сакате да помогнете, можете да го направите тоа на:
Стопанска Банка
200004050431223
Еве го апелот од GoFundMe:
Мојот 39-годишен братучед Антонио Јанковски, кој со години работеше како кувар боледува од рак на црниот дроб. Ракот е агресивен и се проширува многу брзо. Му требаат многу третмани и медикаменти за да се опорави. Нема работено подолго време поради болеста и не е способен за работа. Моментално е на кислородна поддршка со кислородна боца која и таа ја има добиено преку донации.
Тој инфекцијата и оштетувањето ги добил во Дубровник. Пред некоја сезона беше на циклус хемотерапија и имуниот систем му паднал и се развила бронхопнеувмонија која многу му го оштетила левото белодробно крило, но исто така има и оштетување на долниот дел на десното белодробно крило. Поради тоа не може да дише самостојно и цело време е на кислородна поддршка со кислородна боца.
