Емотивната средба на жена со детенцето на кое му го спаси живот ќе ве разнежни.
Кога Сенди Флеш првпат ја видела широката насмевка на малиот Сони, знаела дека ја донела вистинската одлука да стане донор на органи. Таа не можеше да си ги сокрие солзите на првата средба со момчето.
„Покрај раѓањето на моите деца, ова беше најисполнувачкото нешто кое некогаш сум го направила. Ми значеше премногу што можев да помогнам да исчезне стравот кај ова семејство и да им дадам надеж“ – рекла таа.
It was a special connection the moment Katie met the woman who donated a portion of her liver and gave her son, Sonny, a new life.
— Cleveland Clinic (@ClevelandClinic) November 12, 2024
“Sandy gave a piece of herself to save my baby’s life. Organ donation is truly an unconditional gift.” #DonateLife
More: https://t.co/0GcSwkNd1z pic.twitter.com/96Wf9UlHYe
Сенди воопшто не го познавала Сони кога одлучила да му даде делче од себе за да му го спаси животот. Мајката на детенцето, Кејти, вели дека ќе ѝ биде вечно благодарна на жената за овој безусловен дар.
„Сенди даде делче од себеси за да се спаси животот на моето бебе. Донирањето органи навистина е безусловен дар, а во денешно време нема многу работи во животот кои се безусловни“ – рекла Кејти.
На само 2 месеци, кај Сони се појавила ретка состојба наречена билијарна атрезија, која влијае на функцијата на црниот дроб. Нормално е жолчката да тече од црниот дроб на бебето кон тенкото црево, но при оваа состојба, жолчните канали на бебето се блокираат и жолчката се акумулира во црниот дроб и го оштетува.
„Сони се роди како здраво бебе, но потоа разви билијарна атрезија. На 2-месечна возраст, имаше потреба од хируршки зафат“ – рекла докторката на Сони.
На почетокот изгледало невозможно да се најде жив донор кој ќе биде соодветен, но семејството било пресреќно кога дознало за одлуката на Сенди.
„Ни олесна кога дознавме. Беше како да сме сведоци на чудо, соодветен донор беше пронајден навреме“ – рекла Кејти.
Потребни беа само 15 до 20 проценти од црниот дроб на Сенди за Сони да преживее, затоа што тоа делче во иднина ќе расте заедно со телото на детето.
Сега Сони е среќно детенце кое воопшто не покажува какви битки има преживеано во својот краток живот.
„Кога влегов во собата, не знаев што да очекувам. И одеднаш, се појави Сони. Беше неверојатно да се види ова убаво, енергично момче со огромна насмевка на лицето“ – рекла Сенди.
Двете жени планираат да ги одржуваат контактите и во иднина.
