Блогерка го снима своето секојдневие за да покаже како изгледа животот со ендометриоза и за да ја зголеми свеста за ова заболување кое засега 1 на 10 жени.
Ема Максвел сподели видео кое за брзо време стана вирален хит. Во него, таа покажува како изгледаат нејзините денови кога се соочува со неиздржливи болки, подуеност и неможност да ги извршува секојдневните обврски.
@endometriosisem taking it moment by moment #endometriosis #adenomyosis #dynamicdisability #butyoudontlooksick ♬ original sound - NOFEELINGS.
Ема живее со болка од 13-годишна возраст, а на докторите им требале 8 години за да ѝ постават дијагноза. 24-годишната девојка долго време била игнорирана од докторите кои ѝ велеле дека драматизира.
Сега, таа создава платформа на која отворено зборува за ендометриозата и аденомиозата за да ги покаже нејзините добри и лоши страни, како и да им порача на другите жени и девојки дека не се сами.
„Кога ја направив оваа страница, се надевав дека ќе ги покажам нештата кои ги криев и од кои се срамев во најголемиот дел од мојот живот. Се надевам дека некој ќе се чувствува помалку осамен поради она низ што поминува. Јас се чувствував осамено многу долго време и искрено, сè уште има многу такви моменти и покрај тоа што сум опкружена со најгрижливата заедница“ – пишува Ема.
Нешта кои посакував да ги знам пред мојата дијагноза:
- Болните менструации не се нормални;
- Ендометриозата се дијагностицира преку операција. Најголем дел од прегледите со ехо, магнетна резонанца и крв излегуваат „нормални“;
- Никогаш не се задоволувајте со доктор кој ја потценува вашата болка;
- НЕ сте премногу млади, премногу драматични или премногу чувствителни;
- Специјалистите се златниот стандард. Најголемиот дел од гинеколозите не се квалификувани за дијагноза и третман на пациентите со ендометриоза;
- Вие најдобро го познавате вашето тело!
@endometriosisem endometriosis can look so different from minute to minute. we’re not faking our pain because we have good moments #endometriosis #endo #endometriosisawareness #endometriosisawarenessmonth #adenomyosis #chronicpain ♬ Healing Hurts - Blü Eyes
Поради нејзината состојба, Ема пропуштила бројни школски и работни денови, изгубила многу пријателки, се соочила со анксиозност и депресија, како и со големо страдање.
„Она што луѓето без хронична болест не го разбираат е дека е невозможно да го одржуваш брзото темпо на општеството доколку имаш хронична болест. Од мене се очекуваше да одам на работа, да одам на училиште, да имам добри оценки и да се смеам додека го правам тоа. Грчевите не ти даваат екстра ден за да си ја завршиш работата“ – објаснува таа.
Март е месец за подигнување на свеста за ендометриозата.
