Почина британскиот принц Филип. Сопругот на кралицата Елизабета II издиша за последен пат на 99-годишна возраст.
Војводата од Единбург почина во замокот Виндзор. Тој ја напушти болницата пред три недели по едномесечен престој поради проблеми со срцето и инфекција.
„Со длабока тага, Нејзиното Височество Кралицата соопшти за смртта на нејзиниот сакан сопруг, Неговото Височество Принцот Филип, Војводата од Единбург“ – пишува во објавата на Бакингемската палата од каде објавија дека тој починал мирно ова утро во Замокот Виндзор.
It is with deep sorrow that Her Majesty The Queen has announced the death of her beloved husband, His Royal Highness The Prince Philip, Duke of Edinburgh.
— The Royal Family (@RoyalFamily) April 9, 2021
His Royal Highness passed away peacefully this morning at Windsor Castle. pic.twitter.com/XOIDQqlFPn
Принцот Филип и кралицата Елизабета беа во брак 73 години.Тие заедно имаат четири деца, принцот Чарлс, принцезата Ана, принцот Ендру и принцот Едвард.
Здравјето на Принцот се влошуваше во изминатите неколку години. Во мај 2017 година се пензионира и оттогаш ретко се појавуваше на јавни настани. Филип присуствуваше на свадбата на принцот Хари и Меган Маркл само еден месец по операција на колкот.
И покрај тоа што се повлече од јавниот живот, тој се најде под лупата на медиумите во јануари 2019 година, кога предизвика сообраќајна несреќа во која беа повредени две жени. Тогаш доброволно се откажа од возачката дозвола и не беше поведена постапка против него.
