Принцовите Вилијам и Хари ги тргнаа настрана своите несогласувања и се обединија во чест на нивната баба – кралицата Елизабета II.
Претставниците на британското кралско семејство заедно со сопругите Кетрин и Меган се појавија пред замокот Виндзор, каде го поздравуваа насобраниот народ кој дојде да изрази почит кон покојната кралица.
За оваа пригода, принцезата Кетрин и војвотката Меган носеа црни фустани.
Кралицата Елизабета II почина на 96-годишна возраст на 8 септември.
„Овој четврток, светот изгуби извонреден лидер, со апсолутна посветеност кон земјата, Кралството и Комонвелтот. Во деновите кои доаѓаат, ќе се каже многу за значењето на нејзиното историско владеење. Меѓутоа, јас изгубив баба. И додека тагувам за нејзината загуба, се чувствувам неверојатно благодарен. Имав бенефит од мудроста и уверувањето на Кралицата до мојата петта деценија.“
„Мојата сопруга имаше 20 години полни со нејзина насока и поддршка. Моите три деца поминаа празници со неа и создадоа спомени кои ќе ги носат целиот живот“ – стои во соопштение од принцот Вилијам.
По смртта на кралицата Елизабета, нејзиниот син Чарлс го наследи тронот. Тој на Вилијам и Кетрин им ги додели титулите принц и принцеза на Велс.
