Конечно многу позитивна вест во статистиката за КОВИД-19 кај нас. Во денешниот извештај, нема регистрирани починати лица.
„Денес за прв пат по 2 септември 2020 не бележиме ниту еден починат од Ковид. Вирусот е далеку од победен, но оваа мала победа ни влева надеж дека сме се поблиску до ставање крај на агонијата. Сепак, мерките мора да продолжиме да ги почитуваме, а еднствен начин да го намалиме бројот на жртви е масовно да се вакцинираме“ - порача Венко Филипче.
Министерството за здравство објави дека во изминатото деноноќие се направени 3.068 тестирања, а регистрирани се 8 новоинфицирани со новиот коронавирус SARS-CoV-2.
Новозаболените со КОВИД-19 се од:
- Скопје 3
- Тетово 2
- Велес, Кичево и Охрид по 1
Регистрирани се 9 оздравени пациенти од:
- Скопје 3
- Куманово
- Тетово, Велес, Гостивар, Свети Николе и Ресен по 1
Вкупната бројка на КОВИД-дијагностицирани лица во нашата земја од почетокот на епидемијата изнесува 155.536, бројката на оздравени пациенти е 149.628, на починати е 5.471, а бројот на активни случаи изнесува 437.
