Бројот на заразени од коронавирус во Македонија очекувано расте. Министерството за здравство информира дека во изминатите 24 часа се регистрирани 15 новозаболени лица.
Вкупниот број на позитивни на КОВИД-19 во нашата држава е 570 лица.
Според местото на живеење, новите заболени се од Скопје (4), Куманово (8), Тетово (1), Струга (1) и Штип (1).
Оваа бројка на дијагностицирани е од вкупни направени 202 теста. Намалениот број на тестирања се должи на тоа што во недела се намалени капацитетите во однос на дежурствата и луѓето коишто работат во лабораториите. Во просек, вообичено се прават околу 350 теста.
Тројца пациенти починале како последица на компликации од коронавирусот. Станува збор за две лица од Тетово и 40-годишен маж кој беше евидентиран како прв случај во Кочани.
Излекувани се 4 пациенти и испишани од Клиниката за инфективни болести, а на три лица од Дебар им се негативни два контролни теста.
Досега, случаи на КОВИД-19 се регистрирани во:
- Скопје – 239
- Куманово – 121
- Дебар – 49
- Штип - 20
- Прилеп – 33
- Тетово – 29
- Струга – 25
- Велес – 10
- Битола – 6
- Охрид – 3
- Кавадарци – 2
- Гостивар – 4
- Гевглелија – 4
- Струмица – 2
- Крива Паланка – 3
- Радовиш – 4
- Крушево – 2
- Кочани – 14
