Кажете ѝ „Збогум“ на брзата и бестрашна Година на Тигарот. Веројатно сте истоштени и желни за стабилност. Не грижете се, според кинескиот зодијак, стабилноста доаѓа заедно со Годината на Водниот Зајак која започна на 22 јануари.
Изминатата 2023 година беше сè само не и смирена… Беше вистинска џунгла. Сега е време да здивнеме и да се успокоиме. Сите колективно ќе се стремиме кон мир и безбедност, а нашите инстинкти за преживување ќе бидат на максимум. Зајакот е симбол на интелектот, што значи дека ќе работиме помудро, а не помакотрпно во споредба со минатата година. Да покажеме зрелост во носењето одлуки.
Зајакот е социјално суштество кое живее во заедница, а во вас ќе разбуди емпатија и желба за здружување. Постојано ќе се прашувате што им е потребно да луѓето околу вас, што можете да направите за вашето место за живеење и како можете да придонесете во вашата заедница.
Сонот ќе ви биде исклучително важен во годината која ни претстои. Претворете ја спалната соба во ваша комфор зона и држете ги екраните подалеку од неа. Наместо да прелистувате на социјалните мрежи додека се релаксирате, насочете се кон тивка музика или запалете си ароматични свеќи.
Ова ќе биде плодна година во секоја смисла на зборот. Многу од нас ќе се израдуваат на проширување на семејството, оплодување на капиталот или нови иновации.
Калкулатор за кинески хороскоп
Стаорец
Стаорецот го поддржува Зајакот, иако понекогаш му недостасува трпение. Сепак, Зајакот честопати не го цени тоа. Годината на Зајакот за вас е период кога треба да одлучите каде ќе ја насочите вашата енергија и кои нешта се ваш приоритет. Што е она што најмногу го посакувате? Кои се луѓето за кои најмногу се грижите? Ослободете се од она што не функционира за вас и во вашиот живот оставете го само она што ве исполнува, усреќува или задоволува.
Ќе се радувате на одлично здравје, но направете сè што е во ваша моќ за да се заштитите од повреди. Ако се занимавате со физичка активност, научете правилно да ги изведувате вежбите. Не ги игнорирајте сигналите кои ви ги испраќа вашето тело.
Април, мај и октомври се месеци за големи промени во вашиот живот.
Љубов
Партнерот ќе даде сè од себе за да ве види среќни оваа година. Веројатно со негова помош ќе ги остварите голема желба, но морате да поработите повеќе на меѓусебната комуникација. Ако сте во брак, стојте подалеку од искушенија, можно е да бидете слаби на нив.
Сингл сте и сонувате за нова љубов? Дефинитивно ќе ја пронајдете во Годината на Зајакот, но треба да бидете трпеливи, бидејќи таа нема да дојде на прагот од 2023 година, туку малку подоцна. Посетувајте места каде има многу луѓе како концерти и забави, а не ги избегнувајте ниту активностите на отворено како кампување, возење велосипед, трчање во парк. Токму така ќе ја запознаете вашата љубов.
Работа
Морате да бидете брзи и активни за да ги искористите бројните можности кои доаѓаат кон вас. Тоа нема да ви биде воопшто проблем ако се земе предвид темпото со кое се движите низ животот.
Исто какоЗајакот, Стаорецот умее да создава мрежа од контакти и да се здружува. Токму тоа ќе биде клучно за вашиот успех. Годината која доаѓа ќе биде неверојатна за оние кои работат во сферата на маркетингот и продажбите. Луѓето ќе сакаат да соработуваат со вас и ќе ве почитуваат.
Очекувајте вашата финансиска состојба значително да се подобри оваа година. Иако тоа не е карактеристично за вас, ќе бидете склони на ризици, кои пак ќе доведат до голем профит и неочекувана заработка.
Вол
Волот и Зајакот одлично се согласуваат и можат да соработуваат. Зајакот му носи на Волот многу шанси за напредок во кариерата и за зголемување на заработката.
Ова е година која ќе внесе многу нови личности во вашето секојдневие. Всушност, со помош на советите на добрите пријатели, ќе ги претворате предизвиците во шанси за напредок. Сепак, тоа не значи дека целосно треба да со спуштите штитот и да ги сметате сите луѓе за добри. Останете претпазливи и внимателни. Ако некој ви изгледа премногу добар за да е вистинит, веројатно не е.
Конечно ќе научите да се цените повеќе себеси и ќе го откриете вашиот вистински потенцијал. Не смеете да престанете да се предизвикувате себеси и да ги тестирате вашите граници во 2023 година. Ќе се изненадите кога ќе откриете колку голема сила поседувате.
Грижете се повеќе за вашето здравје и ако сметате дека имате некаков здравствен проблем, веднаш побарајте лекарска помош.
Љубов
Внимание од нови додворувачи, покани за љубовни состаноци, флерт и заводливи игри... Нема да имате здодевна минута во Годината на Зајакот. Како што ќе излегувате од вашата „школка“ и повеќе ќе се дружите, така ќе се зголемуваат и вашите шанса да ја пронајдете вашата вистинска љубов. Веројатно тоа ќе се случи додека сте во големо друштво.
Ако сте во врска, ќе ја одведете довербата и интимноста со партнерот на следното ниво. Одлично ќе се разбирате благодарение на подготвеноста отворено да разговарате за проблемите и да правите компромиси за нивно решавање. Вашата љубов ќе расте од ден на ден.
Работа
Засукајте ги ракавите, 2023 година е време кога треба да ги засадите семињата кои сакате да никнат во претстојните години. Изберете го патот по кој сакате да чекорите во иднина.
Ќе имате многу нови можности, но морате напорно да работите за да ги искористите максимално. Успехот нема да ви биде подаден на послужавник, треба да си го заслужите. За среќа, во вашиот живот ќе влезе нов ментор кој ќе ви помага и ќе ве подигнува кога се соочувате со неуспех. Многу претставници на знакот Вол ќе имаат можност да се докажат и да бидат забележани на работното место.
Вашата финансиска состојба ќе се подобри.
Тигар
Со БУМ ќе ви започне Годината на Зајакот. Тигарот обожава да му биде лидер на Зајакот, што е знак за напредок во кариерата.
Добра среќа и зголемена моќ ќе ви донесе 2023 година, која несомнено ќе ви биде посреќна од претходната. Нестабилностите ќе исчезнат и сè ќе биде онака како што посакувате. Нема простор за откажување во 2023 година, среќата ќе ги следи најсилните претставници на вашиот знак. Сепак, ќе морате да бидете трпеливи, промените нема да се случат преку ноќ.
Посветете му поголемо внимание на здравјето, особено на црниот дроб. Можно е да паднете во искушение да се вратите на навика која сте ја имале пред многу години. Тоа не е добра идеја. Исто така, важно е да си осигурите добар сон и да не си легнувате премногу доцна.
Љубов
Ќе го имате најдобриот период од врската со партнерот. Во претстојните 12 месеци, ќе се радувате на заемната почит и разбирање кои ќе ве постават на правилната патека како пар. Безусловната доверба која ќе ја создадете меѓу вас несомнено ќе ви ја одведе врската на следното ниво. Партнерот ќе биде сигурен дека може да ви верува и да смета на вас во најважните моменти.
На родените во знакот на Тигарот кои сè уште немаат партнер им претстои неверојатна година. Шармот ќе ви биде на максимум, па ако сакате да си го промените љубовниот статус, многу лесно ќе го направите тоа. Вистинската љубов е многу поблиску отколку што очекувате. Отворете си ги очите, голема е веројатноста тоа е да е ваш пријател.
Можно е да се соочите со завидливи луѓе на кои им пречи вашата среќа. Не дозволувајте тие да ви наштетат.
Работа
Годината на Зајакот ќе ви помогне да ги искористите вашите вештини и таленти за да напредувате во кариерата. Многумина ќе бидат унапредени на повисока работна позиција. Ако одлучите да ја следите вашата страст, ќе се изненадите пријатно од себеси и од тоа колку далеку ќе стигнете.
Финансиската среќа ќе ви биде голема. Доколку поседувате ваш бизнис, ќе се радувате на многу поголема заработка од лани. Стојте подалеку од сомнителни личности и ризични зделки. Не постои краток пат кон успехот, морате напорно да работите во Годината на Зајакот.
Зајак
Да, ова е ваша година, но морате да ги намалите вашите очекувања. Зајаците газат на иста територија, што значи дека ќе се соочите со конкуренција и соперништво. Покрај тоа што ќе имате интересни моменти, ќе се соочите и со големи предизвици. Морате да направите, да совладате и да научите многу нови нешта. За среќа, ќе се чувствувате удобно и самоуверено во сопствената кожа и токму поради тоа што ќе верувате во себе, ќе успевате да надминете сè што ќе ви се појави на патот.
Веројатно ќе погледнете зад себе, на вашиот „стар“ живот, решително одлучувајќи дека не сакате повеќе да правите многу од нештата што досега ги правевте. Ви претстојат големи промени, без разлика дали сте подготвени за нив или не.
Пазете се од повреди, особено ако имате ризично работно место или пак се занимавате со интензивна физичка активност.
Љубов
Годината управувана од вашето животно, Зајакот, ќе ви биде екстра сензуална. Со партнерот сте стигнати до точка во која ќе се разбирате еден со друг. Страста во врската ќе ви се зголеми, што за многу парови ќе резултира со предлог за брак, веридба или свадба.
Претставниците на овој знак кои се сингл ќе привлечат многу додворувачи. Ова е година на нови почетоци и запознавање со потенцијални љубовни партнери.
Работа
Нови можности ќе никнуваат на секаде околу вас – можности за напредок во кариерата, за дополнителна заработка, за нови соработки и за стекнување нови вештини. Но, во Годината на Зајакот ќе морате да работите понапорно од сите останати ако сакате да ги искористите можностите за развој кои стојат пред вас. Замислете си дека некој ве ставил на плодна почва и дека што ќе засадите на неа, тоа и ќе ожнеете.
Многу претставници на овој знак оваа година ќе се насочат кон стекнување повисок степен на образование или ќе се пробаат во нов професионален сектор.
Инвестициите направени оваа година несомнено ќе ви донесат одлични резултати во иднина.
Змеј
Зајакот и Змејот можат да си помагаат еден со друг, но немаат многу добра врска. Годината на Зајакот нема да биде најсреќна за вас. Да, ќе имате многу можности, но исто така ќе се соочите и со бројни предизвици. Разбудете го змејот во вас и натерајте ги луѓето да ве слушаат додека зборувате. Ќе треба да вложите многу поголем труд од вообичаено за да си ги постигнете замислите. Сега не е време за ризични потези.
Сега имате тешка одлука пред себе – што е она што ќе го задржите во вашиот живот и ќе го пренесете во вашата 2024 година, а што ќе оставите зад себе. Искористете го богатото искуство кое го имате за да го направите најдобриот избор за себе.
Стојте подалеку од стресните ситуации и научете да живеете поедноставен живот. Не одете во екстремности и не се обидувајте да бидете нешто што не сте. Скромноста ќе биде наградена.
Ако ја занемарите физичката активност, ќе ја покачите вашата тежина. Внимавајте на исхраната и пијте повеќе течности.
Љубов
Неверојатна година им претстои на претставниците на знакот Змеј во љубовта. Сите проблеми и љубовни јадови од минатата година ќе исчезнат, благодарение на вашата решеност да најдете решение за нив. Со партнерот одлично ќе се разбирате и ќе комуницирате еден со друг. Планирате да основате ваше семејство? Ова е одлична година за да го направите тоа.
Ако сте сингл, ќе ја запознаете вашата сродна душа или патиштата ќе ви се вкрстат со некој со потенцијал за романса. Во Годината на Зајакот ќе морате да се принудите себеси да излезете надвор од вашата комфорна зона, за да запознаете нови луѓе и да го пронајдете вистинскиот за вас.
Запомнете, вашата среќа е важна. Пронајдете ја!
Работа
Напорната работа и трудољубивоста несомнено ќе ви се исплатат во годината управувана од Зајакот.
Влијателни личности ќе влезат во вашиот живот и ќе ви помогнат да стигнете до успехот. Претставниците на овој знак кои имаат сопствен бизнис ќе одлучат да го прошират зад граница. Ако работите на креативен проект, лесно ќе наоѓате инспирација оваа година.
Кога се во прашање вашите финансии, морате да го избегнувате носењето на импулсивни одлуки, особено кога се инвестициите во прашање. Можно е да изгубите пари. Ако треба да донесете важни финансиски одлуки кои ќе влијаат на вашата иднина, советувајте се со експерт или професионалец во областа.
Престанете да го одложувате потпишувањето на оние важни договори за кои подолго време преговарате.
Змија
Пристигна вашето време да блеснете како сјајна ѕвезда. Змијата и Зајакот си помагаат еден со друг, па во претстојната година, некој ќе ви помогне да си ги остварите соништата. 2023 ќе биде среќна и просперитетна за вас. Користете ги можностите, дури и ако треба да излезете од вашата комфорна зона.
Забавувајте се додека стекнувате нови вештини, започнувате нови авантури или учите нови нешта. Ќе имате многу можности за патување и посетување нови места.
Најдете баланс и одмарајте кога ви е потребен одмор. Бидејќи ќе бидете посветени на професијата, ќе бидете склони да прескокнувате оброци, но тоа не е препорачливо оваа година. Грижете се за себе.
Љубов
Годината на Зајакот ќе ве стави под рефлекторите и ќе ги помогне да привлечете голем број обожаватели. Прифаќајте ги поканите за љубовни состаноци за да го пронајдете оној со кого ќе сакате да започнете романтична врска. Можно е да запознаете некој специјален додека патувате.
Хармонична и исполнета ќе им биде љубовната врска на оние кои веќе имаат партнер. Запомнете дека комуникацијата е клучна за добра и здрава врска. Редовно резервирајте време за љубовни состаноци за да не дозволите натрупаниот распоред да ви ја наруши хемијата.
Криењето информации може да доведе до проблеми и расправии. Патувањата позитивно ќе ви се одразуваат на врската.
Работа
Вродената интелигенција и силната интуиција ќе ви помогнат да се истакнете на работното место. Сите ќе го бараат вашето мислење и ќе бидете многу почитувани во вашата професија. Некои родени во знакот на Змијата ќе се искачат на лидерска позиција, но пред да ја прифатат, треба да се потсетат дека заедно со неа доаѓаат и поголеми одговорности.
Позитивни промени ви претстојат во условите за работа и платата. Трудот конечно ќе ви биде награден. Стојте подалеку од личности кои прават да се сомневате во вашите способности.
Нема да имате многу грижи поврзани со финансиската состојба. Вашите постигнувања во кариерата ќе ви носат повеќе внатрешно задоволство отколку пари, но тоа нема да ви претставува проблем.
Коњ
Коњот е брз и сака да се натпреварува, а Зајакот е дружељубив и љубезен. Зајакот создава одлична средина за Коњот да може да го покаже својот максимум. Претстојната 2023 година е година во која ќе се надминете себеси, ќе создадете добра репутација во вашата професионална област и ќе создадете многу нови контакти.
Научете повеќе да уживате во животот за да ги искористите максимално добрите моменти кои ќе ги имате годинава. Избирајте да бидете во друштво на позитивни личности кои го будат најдоброто во вас и ве усреќуваат. Зграпчувајте ги можностите веднаш штом ќе се појават.
Да, сакајте ги другите, но сакајте се себеси повеќе. Кога сте свесни за сопствената вредност, ќе привлекувате личности кои исто така се свесни за неа. Морате да посветите и поголемо внимание на здравјето. Авантуристите треба да го намалат темпото и да се пазат од повреди.
Љубов
Романтични моменти за паметење ќе ви донесе Годината на Зајакот. Врската со партнерот ќе ви биде хармонична и стабилна, бидејќи ќе инвестирате време, чувства и енергија во неа. Придајте ѝ поголемо значење на кариерата на вашиот сакан, заинтересирајте се за неговата работа и поддржете го кога има потреба од вас. Мотивирајте го да биде подобар и да напредува, наместо да го прекорувате дека постојано работи. Неговите успеси ќе ви носат големо задоволство и среќа, а тој ќе ве цени многу повеќе.
Ова е одлична година за оние кои сакаат да стапат во брак или да го прошират семејството.
Ако сте сингл, вашата потрага по вистинскиот партнер ќе заврши, бидејќи сега ќе го пронајдете. Ќе запознаете некој специјален што ќе ве одведе на седмо небо и ќе ви ја даде љубовта која ја заслужувате. Збогатете си го друштвениот живот, повеќе излегувајте и запознавајте нови луѓе.
Работа
2023 година ќе биде полна со изненадувања и неочекувани можности за вас, бидете подготвени. Имате страст за сликање или програмирање? Добро ви оди во областа на продажбите? Умешно преговарате? Годината на Зајакот ќе ви даде шанса да ги искористите вашите таленти за да успеете.
Ќе запознаете многу нови луѓе кои ќе ви помагаат кога имате потреба од совети и насоки. Можни се недоразбирања со старите колеги, но брзо ќе ги надминете ако се фокусирате на ваш личен напредок, наместо да се споредувате и натпреварувате со другите.
Зголемување на платата или наоѓање нови извори на заработка им претстои на многу родени во овој знак.
Коза
Козата и Зајакот се животни кои живеат на фарма и одлично се согласуваат. Ви претстои прекрасна година, иако ќе имате и некои предизвици кои брзо ќе ги надминете, притоа станувајќи многу посилна личност. Годината на Зајакот е година кога треба да ги тестирате вашите граници за да си го откриете вистинскиот потенцијал.
Воопшто нема да имате проблеми при склопувањето нови пријателства и негувањето на старите.
Бидејќи ќе бидете посветени на надминувањето на предизвиците и самоподобрувањето, ќе имате потреба од поголема енергија. Грижете се за себе и одмарајте се кога имате потреба од тоа.
Љубов
Без разлика дали се обидувате да започнете нова врска или да си ја подобрите онаа која веќе ја имате, Годината на Зајакот ќе биде среќна за вас. Многу нови луѓе ќе влезат во вашиот живот и ќе ви помогнат да си ја вратите страста во врската или да го пронајдете идеалниот партнер за вас.
Да, кога сте со партнерот, поминувајте квалитетно време во разговори и активности со него, но не се опседнувајте со него. Посветете им внимание на нештата кои ги сакате надвор од вашата романса – на вашите хобија, пријатели и интереси. Имајте свој личен простор и најдете начини за да напредувате во животот наместо да тапкате во место.
Ако трагате по партнер, фокусирајте се на карактерот и личните вредности наместо на изгледот.
Работа
Козата и Зајакот можат да бидат одлични бизнис партнери. Бројни работни можности ќе имате во претстојната година – од можности за напредок на повисока позиција, до промена на работното место и нови соработки. Вашите таленти ќе бидат забележани и искористени. Ова е одлична година за академиците, политичарите, лидерите и студентите, како и за оние кои имаат креативна работа.
Доколку ви се пружи шанса да отпатувате некаде преку вашата работа, треба да ја прифатите. Ќе сакате да оставите добар впечаток кај вашите претпоставени.
Посветете поголемо внимание на документите кои ги потпишувате за да ги избегнете споровите, расправиите и легалните проблеми. Стојте подалеку од ризични зделки кои ви гарантираат збогатување преку ноќ.
Кога се финансиите во прашање, нема да имате некоја голема промена во платата и заработката. Имате стабилни примања и ќе бидете среќни поради тоа. Мирниот живот ќе ви биде пред богатството оваа година.
Мајмун
Во најдобро светло ќе се покажете пред светот во претстојната година. Енергиите на Зајакот и Мајмунот се привлекуваат една со друга, а тоа значи дека ќе имате среќа и во љубовта, и во можностите за заработка, и во работата. Можностите за да ги покажете вашите таленти ќе бидат бројни, а вашата мудрост при нивното искористување ќе ви донесе одлична репутација.
Луѓето ќе ве почитуваат и обожаваат. Благословени ќе се чувствувате додека ги гледате пријателите и роднините како со гордост гледаат во вас и ве поддржуваат. Благодарение на нивните охрабрувачки зборови, ќе престанете да се плашите од непознатото и ќе зачекорите на нови територии кои ќе ви донесат и нови можности. Во Годината на Зајакот, ќе воспоставите одличен баланс меѓу личниот и професионалниот живот.
Доколку се соочите со здравствен проблем, не треба да го игнорирате, туку веднаш посетете лекар. Грижете се за себе, медитирајте и овозможете си живот без многу стрес. Внимавајте повеќе на безбедноста, особено ако спортувате.
Љубов
Љубовта е во воздухот. Нештата ќе започнат да се движат во посакуваната насока. Самодовербата ќе ви се зголеми и ќе бидете многу попривлечни за луѓето околу вас. Благодарение на честите дружби и излегувања, ќе стекнете куп нови додворувачи кои ќе преземат иницијатива да ве поканат на љубовен состанок. Добро разгледајте ги вашите опции и размислете дали со некој од нив сакате да го поминете животот.
Љубовната врска ќе им се затопли на оние кои веќе имаат пронајдено партнер. Саканиот ќе ве поддржува и насочува додека се соочувате со предизвици и заедно ќе се справите со секоја пречка што ќе ви се најде на парот. Конечно ќе можете да ги искажете чувствата со зборови.
Работа
Професионалниот живот ќе ви биде стабилен и нема да имате финансиски проблеми во Годината на Зајакот. Многу претставници на овој знак нема да бидат заинтересирани за менување на работното место или за унапредување, но ако ви се пружи шанса за тоа, добро размислете.
Пазете се од личности кои сакаат да ви наштетат или ви работат зад грб. Некој може да се обиде да ја искористи вашата добрина за да му наштети на вашиот имиџ. Избегнувајте ги конфликтите на работното место, особено ако забележите дека некој намерно ве провоцира за да ве прикаже во лошо светло.
Најголем предизвик оваа година ќе ви биде менаџирањето со парите. Да, ќе имате многу можности за заработка, но ќе бидете склони и кон импулсивно трошење. Побарајте совет од експерт ако ви е потребна.
Петел
Петелот и Зајакот одлично се согласуваат и можат да живеат заедно. Ова ќе биде смирена година за вас, но и година во која ќе треба да докажете колку вредите. Многу предизвици ќе бидат фрлени кон вас, а вие ќе ги дочекате подготвени. Да, ќе биде тешко и напорно, но морате да гледате на претстојните промени како на нешто позитивно, бидејќи ќе ви овозможат не само да станете посилна личност, туку и да го откриете вашиот потенцијал.
Прегрнете го хаосот за да не полудите. Потпрете се на вашето семејство и на пријателите и следете ги нивните совети. Многумина ќе ви помагаат во обидите да бидете најдобрата верзија од себеси дури и сред бура. Не ги избегнувајте сериозните разговори, бидејќи потиснувањето на чувствата може да ви создаде многу проблеми.
Нема да имате сериозни здравствени проблеми во Годината на зајакот. Посветете поголемо внимание на вашата безбедност. Ако сте шофер, следете ги правилата и не брзајте.
Љубов
Турбулентен љубовен живот ќе имате во Годината на зајакот. Ќе ви се чини како да сте на ролеркостер, бидејќи во еден момент ќе бидете на дното, за веднаш потоа да се издигнете на седмо небо. Ова е година во која со партнерот е најважно да си одделите квалитетно време за да бидете заедно. Премногу работите и ретко сте дома? Променете го тоа, бидејќи прекувременото работење може да создаде проблеми и кавги.
Стремете се кон постигнување баланс меѓу личниот и професионалниот живот, особено ако сте во брак и имате основано семејство.
Многу поголема среќа во љубовта ќе имаат оние со статус сингл. Отворете го срцето за љубов и барајте ја љубовта која ја заслужувате. Наскоро ќе ја пронајдете.
Работа
Претстојната 2023 година можеби нема да ви биде онаква каква што посакувате да биде, но тоа не значи дека нема да бидете успешни. Само значи дека ќе треба да работите понапорно од останатите за да си ги постигнете целите. Родените во знакот на Петелот се самоуверени и учат многу брзо, а тоа ќе им помогне брзо да се адаптираат на променливите услови.
Морате да бидете повоздржани и поодмерени во коментарите на работното место, особено кога тие се упатени кон вашите претпоставени. Во спротивно, ќе се соочите со последици.
Ако трагате по работа, постојано работете на подобрување на вашите вештини и на проширување на вашите знаења. Само така ќе стигнете до посакуваната позиција. Некои од вас ќе отпатуваат во друга држава за да работат.
Да, ќе имате можности за заработка, но морате да се воздржите од прекумерно трошење и ризични инвестиции.
Куче
Кучето и Зајакот одлично се согласуваат. Според кинескиот хороскоп, тие можат да бидат добри бизнис партнери и да работат заедно. Тоа значи дека претстојната 2023 година ќе биде одлична и профитабилна за родените во Куче. Ќе имате напредок во сите сфери на живеењето и тоа бескрајно ќе ве усреќува.
Оваа година, опкружете се со личности кои ве мотивираат да бидете најдобрата верзија од себеси, бидејќи имате што да му понудите на светот. Благодарение на вашите најмили и на пријателите, ќе се чувствувате благословено.
Да ги ислушувате другите со смиреност и разбирање ќе ви биде голем предизвик оваа година, но морате да го направите тоа. Обрнете поголемо внимание на зборовите на луѓето на кои им верувате, тие ќе ви кажат важни информации кои многу ќе ви помогнат.
Морате да најдете начин да ја направите физичката активност составен дел од вашето секојдневие. Внимавајте на стомакот и на дигестивниот систем.
Љубов
Љубовниот живот ќе ви биде исполнет со предизвици, подеми и падови. Бидејќи ќе бидете фокусирани на кариерата, можно е да го занемарувате партнерот и да поминувате многу малку време со него. Обидете се да „резервирате“ повеќе време за љубов, да пробувате нови нешта и да ја одржувате страста во врската. Романтичните патувања ќе ви ја подобруваат врската.
Оние кои се сингл ќе имаат одлична година во која ќе добијат многу нови додворувачи. Кај многумина ќе оставите одличен впечаток и луѓето ќе сакаат да се запознаат со вас. Голема е веројатноста да започнете нова романса која ќе биде и почеток на среќна љубовна приказна.
Годината на Зајакот е одлична за оние кои сакаат да стапат во брак или да основаат семејство.
Работа
Годината на Зајакот ветува многу за родените во знакот на Кучето. Полека, но сигурно ќе напредувате во кариерата, а можностите ќе никнуваат за вас насекаде. Заборавете на скромноста, покажете ги сите ваши таленти и зборувајте за вашите способности. Ако бидете трудољубиви, ви претстои можност за унапредување и зголемување на платата.
Можно е да се соочите со колеги или конкуренти кои ќе ви зборуваат зад грб или ќе се обидуваат да земат нешто што ви припаѓа вам. Нема да успеат доколку останете фокусирани на вашиот личен напредок. Не паѓајте на нивното ниво.
Ако не сте задоволни со вашиот професионален живот, знајте дека никогаш не е доцна за промени. Вие сте креатор на вашата судбина.
Доколку поседувате сопствен бизнис, ова не е момент за негово проширување.
Свиња
Свињата знае како да се грижи за Зајакот и овие две животни одлично се согласуваат. Годината на Зајакот ќе ви го размрда, промени и разубави социјалниот живот. Ќе имате многу нови пријатели и обожаватели, на кои ќе обожавате да им ги покажувате вашите квалитети. Во најдобро светло ќе се претставите пред светот со целата ваша мудрост, дружељубивост и елеганција.
Насмевнете се, ви претстои среќна и плодна година. Сè што посакувавте за себе, сега ќе можете и да го имате. Поставете си ги вашите цели и фокусирајте се на нивното постигнување. Ќе бидете победник во многу битки. Никогаш не губете надеж, бидејќи упорноста на крајот ќе ви се исплати.
Прекумерното работење може да го засегне вашето здравје, па стремете се кон постигнување баланс меѓу личниот и професионалниот живот. Морате повеќе да внимавате на вашиот режим на исхрана. Не се прејадувајте и внимавајте кога сте зад воланот.
Љубов
Бран од нови личности ќе ве преплави во Годината на Зајакот. Додека некои од нив ќе ве гледаат само како пријател, други ќе прават сè за да ви го освојат срцето. Ова е годината којашто ја чекавте и која ќе ви го донесе вистинскиот во вашиот живот. Не брзајте веднаш да влезете во нова врска, туку почекајте за да го запознаете оној што ви се допаѓа.
Ако сте веќе во врска, ќе го импресионирате партнерот со позитивните промени кои ќе ги направите кај себе. Ќе бидете многу поромантични од лани и ќе ја направите страста дел од вашето секојдневие. Не се плашете редовно да го потсетувате колку многу го сакате.
Ова е повелен период за оние кои сакаат да стапат во брак или да формираат свое семејство. Оние партнери кои се соочуваат со брачни проблеми треба да размислат да отпатуваат некаде сами како пар, бидејќи патувањата ќе ги зближуваат.
Работа
Годината на Зајакот за вас ќе биде смирена и без големи промени во кариерата. Вашите претпоставени и колеги ќе обожаваат да работат со вас и постојано ќе ви кажуваат колку сте добри како експерти во дејноста. Тимската работа ќе ве исполнува и ќе ви носи големи успеси.
Да, околу вас ќе постојат личности кои ќе ви кажуваат дека не сте доволно добри или дека имате преголеми амбиции, но не смеете да им дозволите тие да ви го попречат напредокот. Претворете ги вашите најголеми соништа во реалност и покажете им на сите кои се сомневале во вас дека грешеле.
Планирате да инвестирате? Направете го тоа! Но, ако ви се потребни совети и насоки од експерт, не се плашете да ги побарате додека не се уверите дека сте на правилниот пат. Ова не е година за големи ризици и импулсивно купување, па воздржете се од тоа.
