Славните ги обожаваат, модните блогерки ги сметаат за неизбежен дел од своите комбинации, додека дизајнерите се почесто ги „качуваат“ на модните писти. Чизмите над колена веќе две години наназад се вистински хит.
Не само што ги топлат нозете, туку носени на правилен начин, овие обувки можат целосно да го променат изгледот на облеката од вашиот плакар.
Кратко, кратко, кратко..
Со кратко фустанче, кратко здолниште или кратки панталони. Тајната за добар изглед е да не покажувате многу кожа.
Доколку носите мини здолниште, секогаш гледајте да бидете покриени на горниот дел од телото. На пример, изберете ролка. Ако пак носите мини фустан, гледајте тој да не е со длабоко деколте или корсет. Никогаш не ги покажувајте нозете и деколтето истовремено.
Со широка блуза, плетен фустан или пончо
Чизмите над колена со висока потпетица се најтешки за комбинирање, но нема да згрешите доколку ги носите со поширока облека на горниот дел од телото. Долниот дел од комбинацијата може да биде краток и тесен или воопшто да го нема.
Со фустан или здолниште со висок преден шлиц
За поелегантен изглед, обидете се да искомбинирате фустан или зголниште со висок шлиц и чизми над колена.
Со долго палто и краток долен дел
Доколку одлучите да носите пократко здолниште, секогаш можете да го искомбинирате со долго палто или џемпер.
Со тесни фармерки или панталони
Панталоните „цевка“ се најсоодветни за прибирање во овој тип чизми. Придржувајте се до истата палета бои доколку сакате да создадете илузија на долги нозе.
Совет: Кога избирате кој модел да го купите, земете ја предвид должината на вашите нозе. Доколку имате кратки нозе или позаоблена фигура, изберете модел со повисока потпетица, кој ги издолжува нозете. Рамните модели се одлични за девојките со долги нозе.
