Заборавете на еднобојните модни комбинации, на црната и темните нијанси на сивата, кафеавата и зелената боја. Заборавете на стравот од нестандардно комбинирање на бои и успешно ќе се прилагодите на новите трендови.
Доколку запрашате моден експерт која е најактуелната боја за сезоната пролет/лето, нема да добиете категоричен одговор. Бела, портокалова, сина, корална... Новата сезона носи нов сет тренди бои, кои задолжително ќе ни го разведруваат расположението, но и ќе нè поттикнат повеќе да експериментираме.
Еве ги боите кои не треба да ги прескокнувате во текот на топлите денови:
Розово-црвена
Розово-црвената боја (Honeysuckle) e прогласена за боја на 2011 година, па не е ни најмалку чудно што повеќето дизајнери ја вклучија во своите колекции. Тоа е топла боја со која сигурно ќе бидете во тренд. Најбезбедно е да ја искомбинирате со крем боја, но одлично изгледа и во комбинација со портокалово или розово.
Gianfranco Ferre
Портокалова
Впечатлива и енергична, портокаловата е боја која сигурно нема да ве остави незабележани. Многу експерти ја нарекоа портокаловата „it“- боја, па ако не сакате портокалова облека, задолжително треба да поседувате барем неколку портокалови модни додатоци. Најлесно можете да ја комбинирате со бела или крем боја.
Tommy Hilfiger
Сина
Зимската црна боја заменете ја со сина. Сината е одлична за комбинирање, а освен тоа оваа пролет се модерни многу нејзини нијанси. Од светло и небесно сино до сафирно сино и боја на мастило, што и да изберете, нема да погрешите.
Versace
Бела
Вечно модерната бела боја е меѓу клучните трендови оваа сезона. Облечете се од глава до пети во бело и подготвени сте за топлите пролетни и летни денови. Бидете внимателни кога ја комбинирате белата со крем боја, затоа што кремовото може да делува како нечисто. Сигурна варијанта е комбинацијата со сребрени и златни модни додатоци.
Ralph Lauren
Жолта
Сончевата сезона овој пат нема да помине без жолтата боја. Модерни се повеќе нијанси и тоа боја на сенф и пчелин восок, како и лимоново-жолта.
Paul&Joe
Луд микс од фосфорни бои
Поголем дел од жените ќе го игнорираат овој тренд и тој ќе остане за оние похрабрите кои не се плашат од малку повеќе боја. На модните писти видовме нестандардни и колоритни комбинации од портокалово, светло розово, жолто, зелено и сино. Сепак, бидете внимателни. За да го следите овој тренд, потребна ви е и голема храброст и многу вкус.
Aquilano e Rimondi
Месо боја
Како еден вид контраст на фосфорните бои, „месо“ бојата останува меѓу најактуелните трендови. Наречена уште и „новата црна“, оваа боја лесно може да се комбинира, а одговара и на темен и на светол тен.
Versace
Изборот на Pantone
„Боите кои ги избраа дизајнерите за пролетната сезона претставуваат интересен брак од неочекувани топли и ладни тонови“ – изјави Леатрис Ајсмен, извршниот директор на Институтот за бои Пантон.
Еве ги нијансите кои славните дизајнери ги изгласаа како најмодерни оваа пролет:
