Свадбена мода: Најдобрите венчаници од Невестинската модна недела

Сензуални, романтични и деликатни венчаници во склоп на десетици бели бајки беа презентирани за време на Невестинската модна недела во Њујорк.

Рускиот балет, или поточно „Лебедово езеро“, ја дефинираше стилската визија на Алон Ливне, Моник Лулие се раководеше од замисла за невеста која безгрижно трча низ романтична цветна ливада, додека Ромона Кевеза претстави беспрекорно исчистени дизајни, но и венчаници на кои е отсликано делче од природата.

Класични силуети и безвременска елеганција владееја на ревијата на Ен Барџ, а цветни декорации со ефект на бели тетоважи мамеа погледи кон креациите на брендот Инес Ди Санто. Доследна на својот стил, Каролина Ерера си поигра со транспарентноста, но ја заобиколи провокативноста, изјавувајќи: „Има други прилики за да бидеш секси. Мора да ѝ оставиш малку на имагинацијата, малку мистерија.“

Фрлете поглед на некои од најдобрите венчаници од колекциите есен 2016.