People ја прогласи Џулија Робертс за Најубава жена на светот за 2017 година. Холивудската ѕвезда со насмевка од милион долари по петти пат ја прими посакуваната титула и позираше за познатото списание.
„Возбудена сум. Многу сум поласкана“ – изјавила славната актерка, која и на 49 години сè уште плени со својата насмевка и харизма.
Кога беше прашана каде се гледа себеси за 26 години, таа одговори: „75-годишна... Би сакала само да остарам грациозно и да ги гледам моите деца како растат, да ги реализираат нивните соништа, да ја пронајдат својата љубов во животот и се надевам дека ќе имаат семејства и мали суштества кои ќе можеме со Дени да ги разгалуваме. Токму за тоа е „зимата на животот“ – изјави Џулија и додаде дека едвај чека да стане баба.
Џулија е во брак со кинематографот Даниел Модер веќе 14 години. Тие заедно имаат три деца – 12-годишните близнаци Хазел Патриша и Фин Вoлтер и 9-годишниот син Хенри Даниел.
Робертс за првпат беше прогласена за најубава жена во 1991, непосредно по премиерата на филмот „Pretty Woman“, кој ѝ донесе голема популарност.
1991 година: Џулија Робертс
2000 година: Џулија Робертс
2005 година: Џулија Робертс
2010 година: Џулија Робертс
