Џенифер Анистон и Џулија Робертс синоќа самоуверено чекореа на црвениот тепих на премиерата на „Mother’s Day“. Иако за неколку години и двете ќе го прослават 50-тиот роденден, нивниот изглед воопшто не го издава тоа.
Двете познати актерки се појавија на настанот во комбинации со кратки панталони. 47-годишната Анистон избра црна креација од Армани, која е спој од костум и фустан.
48-годишната Робертс со насмевка позираше пред фоторепортерите во бел костум со кратки панталони.
Комедијата „Mother’s Day“ е режирана од Гери Маршал, кој беше режисер и во незаборавниот филм со Робертс во главната улога „Pretty Woman“. „Mother’s Day“ ќе започне да се прикажува во кино салите на 29 април.
