Пред два месеци, Џими Кимел се отвори за операцијата на отворено срце на неговото новородено синче. Популарниот водител сега сподели фотографија од насмеаното момче за да им соопшти на своите фанови дека слаткиот Били е во добра здравствена состојба и напредува одлично.
Имено, момчето, кое го доби името Вилијам Џон Кимел, мина низ тричасовна успешна операција на отворено срце само неколку дена по раѓањето.
Четвртото дете на 49-годишниот водител се роди на 21 април, но три часа по раѓањето, медицинската сестра која го прегледувала чула шум во неговото срце и забележала дека телото му е малку виолетово. Нему му била дијагностицирана срцева болест (Тетралогија Фалот).
Вилијам е второ заедничко дете на Џими и Моли Мекнири. Кимел има уште две деца со поранешната сопруга Џина.
Моли исто така сподели неодолива фотографија на која Били слатко се смее.
Billy's looking out for a lot of his buddies at Children's Hospital. Remind your Congresspeople to protect them. pic.twitter.com/UbFp2UgqGH
— Molly McNearney (@mollymcnearney) July 21, 2017
