Џенуари Џонс официјално е новото лице на познатиот италијански бренд Версаче. Таа веќе учествувала во снимањето на кампањата пролет/лето 2011 која е дело на познатиот фотограф Марио Тестино.
32-годишната актерка од серијата „Mad Men“ се запознала со Донатела Версаче на снимањето на едиторијал за списанието Elle и оттогаш многу се спријателиле. Оваа година Џонс носеше фустан на Версаче на доделувањето на Еми наградите и се најде на првиот ред на шоуто на Версаче во рамките на Миланската недела на модата.
Името на Џонс ќе го дополни долгиот список на ѕвезди кои соработувале со Версаче како Бритни Спирс, Кристина Агилера, Хали Бери, Деми Мур и Мадона.
За да може брендот да го користи имиџот на славните ѕвезди, им плаќа и парично и им подарува облека. На пример, на Мадона ѝ биле исплатени 10,5 милиони долари и две години добивала бесплатна облека за нејзиниот придонес во рекламната кампања во 2005г.
