Воопшто не е изненадување што Џенифер Лопез е водечка ѕвезда во најновата кампања на Версаче, со оглед на фактот што колекцијата е инспирирана од иконскиот фустан кој таа го носеше на Греми во 2000 година и што токму таа ја затвори ревијата за истата колекција пред 4 месеци.
50-годишната актерка и пејачка, заедно со Кендал Џенер, позираше за новата кампања, која го истражува заматувањето на линиите помеѓу јавниот и приватниот живот во денешното интернет општество.
„Сон е што повторно соработувам со мојата пријателка Донатела Версаче за оваа прекрасна кампања и што создадовме нешто ново и свежо од парче иконска модна историја“ – вели Лопез.
Пред 20 години, со своето појавување на Греми во разголен фустан, Џенифер стана апсолутен хит и толку многу луѓе пребаруваа на Google да пронајдат фотографии од нејзиниот изглед што ги поттикна основачите да го создадат Google Images.
На ревијата во септември, Лопез повторно го привлече светското внимание со нова верзија на зелениот фустан:
