Сензационална! Целата публика се исправи на нозе кога Џенифер Лопез продефилира на затворањето на ревијата на Версаче во Милано.
50-годишната актерка и пејачка самоуверено се движеше помеѓу гостите во нова верзија на зелениот фустан кој го носеше на Греми во 2000 година и со кој стана интернет сензација.
Пред 20 години, со своето појавување на Греми во разголен фустан, Џенифер стана апсолутен хит и толку многу луѓе пребаруваа на Google да пронајдат фотографии од нејзиниот изглед што ги поттикна основачите да го создадат Google Images.
На крајот на ревијата на Версаче за сезоната пролет/лето 2020, Лопез се појави на пистата заедно со Донатела Версаче. Коментирајќи го успехот на првиот „зелен фустан“, Донатела рече: „Светот застана, сите сакаа да го видат тој фустан... Горда сум што го инспириравме Google Images.“
