По седум години брак, Џенифер Лопез и Марк Антони објавија дека се разделуваат.
Познатиот пар со својата изјава за разделба ги шокира сите свои обожаватели, затоа што никој не ни претпоставуваше дека има проблеми во нивниот брак. Имено, секоја јавна појава на Џеј Ло и Марк укажуваше на фактот дека тие се сè уште заљубени еден во друг.
Марк Антони и Џенифер Лопез
„Решивме да му ставиме крај на нашиот брак. Тоа беше многу тешка одлука... Ова е тешко време за сите засегнати и би ја ценеле почитта кон нашата приватност“ – се вели во заедничкото соопштение.
41-годишната актерка и пејачка стапи во брак со 42-годишниот пејач во јуни 2004 година. Тие имаат две деца, 3-годишните близначиња Макс и Ема.
